--------------------------------------------------------------------------------
حتمن تصحى من نشوة غرور البيك
وتـــضوك بـــــــــصحوتك مــــر الندامه
وعلى عيونـــــك ايهيمن حزن الايام
وغــــــرور الــــبيك يتــــحول ملامــــه
عل المغرور هاك اسمع علي اشكال
واريـــــد بعـــقلك اتفـــــرزن كلامـــــه
مثــــــل الطـــــير لو طار وعله شلون
يتـــــصور الـــــوادم مـــــــو مقامـــــه
وهـــــو اليزغر مقامه وهذا معروف
ويقل عـــد غيره كل معنه احترامه
وتصير انته بقيامه وكتك احساب
الــــــــك يحسب اذنوبك بالقيامه
اهنا تجرح كلب واهنا تبجي عيون
واهنا تذبح عشك مـــــثل الحمامه
ونه اليـــــما نصحتك وانــــته مغرور
بكثـــر مـــــا خصك الله بهالوسامه
صحيح الله الي صاغك يعني واطاك
حسن واطاك نجمه وهيه شامه
بـــــس ما رادك الله تصير مغرور
يل ما تحمد الله على السلامه
موضوع: نجمة من الحسن بس مغرور 
الجمعة مايو 09, 2008 11:43 am
