حب البنات

صدفة اشلون صدفة بهذاك اليوم
بلانترنيت وفتحت كامرة بنية


واعذروني ما شفت بالبشر هل اوصاف

مو بنت اليكول تكول حورية


حجت وياية صدفة خلتني اعبد النت

نهاري صار ليل وليلي صار ظهرية


كالتلي انت منين؟كلت من العراق

كلتلهة وانتي؟كالت عراقية


كلتلها والله توقعت من اهل العراق

يا تاج العراق ونعم اهالية


كلتلهة انتي منين من العراق

كالتلي من بغداد واصلي مو صلية


كلتلها شسمج؟كالتلي زهرة

كلتلها زهرة؟لعد منو المزهرية


كالتلي كبل لا تسال خل اكلك شي

انت شجابك علية شعرفك بيه


كلتلها حظي وبس هلمرة صاب وياية

مثل جاهل فقير انطوه عيدية


احس واكع بحبة واعرفها من سنين

اوياية تغفة وتنام ليلية


يا طولهةجنة برج الجزيرة تكول

ويا وجه الكمر ابنوره وبضيه


شحجيلك علشعر؟على طولةلو عل لون

يسطر سطر جن اتكول زولية


بيهة هواي شغلات وما تنوصف هينوب

تلم حسن العراق بشمسه وبفية


تلم كرة الجنوب وطيب كردستان

ومن حسن بغداد اخذت شوية


حيرني امرها تهت كلش بيه

واريد اعرف فضول ؟سنية؟شيعية


ويمكن لان هذا الوضع علمنه هالشغلات

وماكو فرق لو حتة هندية


كلتلها انتي منين ومن يا عمام

ضحكت وكالت ما اكول واحنة بزمن حرية


كلتلها لا والله بس حب الفضول

كالتلي جبوري ابوية وامي شمرية


واني تبسمرت ووكع الكلب بالكاع

فوك كل هل خصال النوب عراقية


تحياتي للكل وخاصه العراقيين

شكرا شكرا شكرا رفعت راسي اني عراقية

راسج وراس كول عراقي ايضل مرفوع وابد ما ينحني

شكرا عيني

لا شكر على واجب