للوطن ....لابناء الفهود

السلام عليكم
تحيه طيبه
احبتي اخوتي اخواتي .. الى من لم يعرف مدينه الفهود ويتسائل عنها فأني اجاوبكم
عن لسان حالها ...


غم راي وكتك لا تحل احزامك
هذا الدرب ممشي شكثر جدامك
يا سيح دمنه الما بطل...

اويا موطني ما خلصو ا خدامك
الله يا اروع وطن
شحت علينه اقلامك
محد وصل لينه وكتب
والواحد وتسعين تشهد مانريد اعلامك
هاي الفهود ام الوفه
او يبن الفهود افتخر وارفع هامك
يكفينه يا موطن فخر
احنه التضاهرنه بعهد صدامك
يكفينه يا موطن فخر
اقره الوائح تلكه الاول ابعدامك
يكفينه يا موطن فخر
بسجونهم باتت زلم ترسم فجر لحلامك
الله يا ام الوفه ...
ابجي ابدمه لحبابج
وأستذكري يا ديرتي
أهل الشهاده والكرم غيابج
أنتي درس ماينقره
مخطوط بالدم والرسوب اهواي من طلابج
انتي حلبجه الضايعه...
لن انتي من ذاك العهد...يحبيبه جان ارهابج
أنتي ابعهد صدام وازلام النظام أتهابج
بس للاسف يا ديرتي محد يحسب حسابج
انتي فقيره بحالتج
بس ولله تنصع بالبياض اثيابج
خل العراق ابركبته ايحطج وسام
اويفتخر بالصابج